Kisah Pisang Takarusut
Rupanya kada tagantung musim, apakah
musim hujan atawa musim karing, parut bini Palui gambung pulang. Bila
dihitung-hitung bilang basambung tarus satiap tahun. Babaya ganal sadikit lalu
mahalusi pulang.
“Sakali
ini biniku mangidam ngalih banar mangabulakan kahandaknya,” ujar Palui bakisah
wan kakawalannya.
“Handak
marasani napa Lui?” ujar Garbus.
“Inya
handak banar mamakan pisang,” ujar Palui.
“Pisang napa Lui? Apakah pisang bujuran atawa nang saukuran pisang?” ujar
Garbus manggayai.
“Pisang
itu macam-macam ukurannya Lui ai. Apakah pisang mahuli nang kacil mungil tapi
lamak atawa pisang paikat nang pina malilit atau pisang ambon nang ganal wan
panjang-panjangnya?” ujar Tulamak umpat mahuhulut.
“Bubuhan
ikam ini pasti ma-artiakan pisang lain. Kalu pisang lain itu ampunku sudah luar
biasa, umanya sudah kada kamakanan,” ujar Palui manangkis.
“Lalu
pisang napa nang dikahandakinya Lui?” ujar Garbus.
“Biniku
itu mangidam handak pisang masak di sampaian dapur,” ujar Palui.
“Kadada
pisang masak di sampaian dapur. Pisang mustinya masak di puhunnya lalu ditabang
atawa bisa jua masak diparam karna masih mangkal,” ujar Tulamak.
“Samunyaan
sudah kucuba, masak di puhunnya, masak digantung atawa masak diparam itu kadada
nang cucuknya,” ujar Palui.
“Napa
ngaran pisangnya dan kaya apa balangnya?” ujar Tulamak.
“Nang
dikahandakinya adalah pisang awa babigi, balangnya suklat-suklat hirang dan
pisangnya pina takarusut,” ujar Palui.
“Kalu
takarusut ba-arti bahalus Lui ai. Kalu bahalus kada nyaman,” ujar Tulamak.
Tuhuk
kakawalannya umpat mamikirakan pisang napa nang dikahandaki bini palui.
“Ooo…
aku paham. Bini ikam itu pasti mangidam rimpi pisang nang dikaringakan di atas
sampaian dapur, masaknya pisang itu karna panas api dapur dan bantuknya
takarusut,” ujar Garbus bakakajutan baluncat.
“Hi’ih-lah
sakalinya rimpi, aku sama sakali kada ingat ngarannya Bus ai” ujar Palui
manyalami kakawalannya itu, lalu parmisi bulik handak manukarakan wadai rimpi
Kisah
Sambahyang Baruku
Salawas umur makin batuha, Palui baubah
banar. Sambahyang lima waktu digawinya tarus. Tapi nang ngarannya katuju ka
warung tatap kada sing ubahan.
“Rasa lapang hati Mak
lah limbah manggawi kawajiban kita,” ujar Palui
“Bujur Lui ai, bahari
maka kita pina kuler sambahyang,” sahut Tulamak.
“Itu ngarannya kita
dapat hidayah dari Allah,” ujar Garbus manyahuti.
“Dua kali aku sudah mandangar kawal kita ni kaya
ustadz, balajar di mana ikam Bus?” Palui hiran.
“Mandangar guru satiap
malam Jumahat bayasinan. Cuma aku wayah ini katuju jua mambaca buku agama,”
ujar Garbus.
“Amun kaya itu aku
handak batakun pang? Aku ni rancak sambahyang kada tapi khusu’, pikiran ka sana
ka mari, apalagi limbah malihat babinian, bisa taingat inya wayah sambahyang,”
ujar Tulamak
“Ikam kada sah Mak ai,
amun sambahyang kaya itu,” ujar Palui tatawa.
“Amun handak khusu’
cuba balajar babacaan lawan tarjamaahnnya, jadi kita tahu maksud dari bacaan
nang kita baca,” ujar Garbus manjawab.
“Amun kita ngalih
mahapal artinya pang?” ujar Palui.
“Cuba pikiran bulikan
bahwa kita mahadap ALLAH, makanya bila sambahyang kita disuruh mata manuju
ujung sajadah,” ujar Garbus.
“Kaena ku cubai,” ujar
Tulamak.
“Aku bulihlah batakun
Bus,” ujar Palui.
“Amun kawa ku jawab, ku
jawab…amun kada kawa, baarti ilmuku balum sampai,” ujar Garbus.
“Kalu sambahyang kada
baruku kaya apa,” ujarnya.
“Kada sah Lui ai
sambahyang kita,” ujar Garbus.
“Tapi rancak Julak
Ijul, Abah Rahmat tamasuk Tuhirang sambahyang kada baruku”, ujar Palui.
“Di mana haja Lui ai,
amun sambahyang tatinggal rukunya kada sah,” ujar Garbus.
“Aku kada batakun ruku
sambahyang, tapi batakun tatinggal ruku. Malah ujar Julak Ijul sambahyang
tatinggal ruku tu harat. Sualnya, sambahyang kada bulih sambil maisap ruku,”
ujar Palui mangalahakan garbus
Kisah 4 Sihat 5 Balum Sampurna
Biar bulan puasa bubuhannya tatap
haja tulak bagawian maujek, karna bila sahari kada manarik maka sahari jua dapur
kada bakukus. Siang itu sambil mahadang tarikan, Garbus wan Tulamak badudukan
di gardu runda sambil ulir-ulir barabahan.
Ampat sihat lima
sampurna, ampat sihat lima sampurna, ujar Garbus gagarunum.
Ikam ma-amang napa Bus
maka pina gagarunum maranyau, kaya urang kapanasan atau garing panas, ujar
Tulamak.
Aku kaingatan palajaran
kasihatan Mak ai. Bila awak handak sihat maka turutilah makanan ampat sihat
lima sampurna, ujar Garbus.
Nyaman disambat tapi
ngalih dituruti bila kada baduit, makanya ampat sihat lima sampurna itu kada
gasan kita nang miskin ini, ujar Tulamak.
Walaupun kada gasan
kita, tapi nyatanya awak ikam makin balamak tarus. Artinya, makanan ikam cukup
ampat sihat lima sampurna, ujar Garbus.
Ampat sihat lima
sampurna, sabujurnya balum sampurna jua makanya parlu disampurnakan, ujar Palui
mangomentari panderan Garbus wan Tulamak.
Napa alasan ikam baucap
kaya itu Lui, itu sama artinya ikam kada katuju wan anjuran kasihatan
pamarintah, ujar Garbus.
Jangan didangarakan
ucapan Palui itu Bus ai, buktinya inya kada mamakai 4 sihat dan 5 sampurna itu
maka awaknya kurus karing, ujar Tulamak.
Ampun maaf haja Mak ai,
aku sabujurnya kada manyalahakan 4 sih dan 5 sam itu. Tapi kupadahakan balum
sampurna makanya parlu disampurnakan, ujar Palui manyingkatnya pina banahap.
Ikam itu tamatan
sakulah pesantren makanya kada tahu sual kasihatan, ulih karna itu jangan
mahapak pandapat urang pintar nang sakulah kasihatan, ujar Garbus.
Aku kada mamahapak
atawa manyalahakan pandapat urang kasihatan itu Bus ai tapi justru handak
malangkapi dan labih manyampurnakannya karna aku urang pesantren, ujar Palui.
Aku sapandapat wan
Garbus bahwa di pesantren itu kada dikaji sual kasihatan, makanya serahkanlah
kepada ahlinya, ujar Tulamak malawanakan Garbus.
Karna bubuhan ikam cuma
maumpati 4 sih dan 5 sam makanya kurang babarkat. Banyak bukti bahwa bubuhan
pajabat kita maumpati jua 4 sih dan 5 sam ini, makanya kada babarkat apalagi
asal usul makanan itu kada jelas datangnya, ujar Palui lihum.
Jadi kaya apa supaya
babarkat Lui? ujar Garbus.
Naahhhh…
di sinilah pentingnya perananku sebagai urang pesantren. Makanan itu memang
harus 4 sihat dan 5 sampurna tapi harus ada unsur nang ka-anam. Unsur nang
ka-anam itu adalah halal. Makanya, rumusnya babunyi: Ampat sihat lima sampurna
dan anam halal. Karna setiap nang halal pasti diredhai ulih Tuhan, ujar Palui
mamacahakan kuncinya
Kisah Batatapas Saurang
Sampai umur labih maniga puluh, Tulamak balum jua hidup bakawan alias babini. Padahal kakawalannya nangkaya si Palui wan Garbus balalajuan babanyakan anak. Bahkan si Tuhirang sudah mahanyari pulang alias babini anum.
“Mana nyamannya hidup saurangan wan hidup badua Mak?” ujar Garbus manyirit Tulamak.
“Aku hiran banar Bus ai wan tatakunan ikam itu, mustinya ikam jawab saurang karna aku baluan marasai hidup bakawan,” sahut Tulamak marasa.
“Jawabanku jelas haja sama nyamannya dan sama sakitnya,” ujar Garbus.
“Kalu sama nyamannya dan sama sakitnya itu adalah jawaban maantara artinya kadada pandirian,” ujar Tulamak.
“Kukira jawaban nang bujur adalah nyaman hidup bakawan jua. Artinya kita kada manyasal kawin dan kada manyasal babini,” ujar Garbus mambujurakan jawabannya.
“Karna baisian bini itu nyaman sagala-galanya,” ujar Garbus.
“Balum tantu, balum tantu nyaman sagala-galanya,” ujar Palui bakakajutan umpat manyahut.
“Napa kada nyamannya Lui?” ujar Tulamak.
“Banyak risiko dari gawian nyaman itu. Manyadiakan tapih, baju bini, makan nginum, baromantisan, batianan, baranakan, mangganalakan lalu manyakulahakan,” ujar Palui manyambati sakitnya.
“Nang ikam sambati itu kada ba-arti sakit, karna ada jua nyaman dan sanangnya. Baranakan itu adalah anugerah Tuhan, betapa bahagianya baisian anak. Cuba ikam bandingkan wan urang nang puluhan tahun kawin tapi balum baranakan jua, sadih, sadiihhh…,” ujar Garbus.
“Hi’ih-lah bujur jua ujar ikam itu Bus ai,” ujar Palui.
“Makanya tadi jawabanku bahwa risiko kawin itu antara sakit wan sanangnya imbang haja,” ujar Garbus mambuliki panderannya.
“Kaya itulah kawin, makanya jangan dianggap beban, Jangan takutan kawin Mak ai,” ujar Palui.
“Ikam sudah puluh tahun kawin Lui ai tapi kanapa maka sampai wayah ini kulihat ikam batatapas salawar saurang? Kanapa maka kada bini nang manapasakan?” ujar Tulamak.
“Itulah arti kerja sama, saling mambantu saling manulung. Aku kasihan wan biniku apabla inya manapas nang kandal-kandal nangkaya salawarku ini. Makanya aku hakun haja maurus wan manapas salawarku tapi biniku dapat bagian maurus sebaik-baiknya nang ada di dalam salawarku. Ya kalu… ya kalu?” ujar Palui mangalakak tatawa.
“Panderan Palui ini putingnya pasti ka nang sabuting itu” ujar Tulamak manumpalak
Kisah Es Nyiur
Kamarian itu Palui tulak saurangan ka pasar wadai, mancari macam-macam kahandak bininya nang harus ditulusakan. Karna kababanyakan itulah inya sampai kada ingat lagi napa haja nang dipasani bininya. Wayah buliknya inya tatamu Garbus wan Tulamak.
“Kita harus basyukur banar Bus ai, tahun ini kawa pulang bapuasa Ramadhan,” ujar Palui.
“Bujur Lui ai, ada babarapa kawan kita nang tahun tadi rami-rami taimbai puasa dan tarawihan sakalinya tahun ini kada kawa umpat lagi karna sudah dikiyau ulih Tuhan,” ujar Garbus.
“Umur manusia kadada nang tahunya kacuali Tuhan, makanya rajin-rajinlah baibadat apalagi bulan suci ini,” ujar Palui.
“Aku sadih jua malihat kakawalan kita nang lainnya pina kada maingat wan ahirat. Dianggapnya hidup ini kawa salawasan, padahal wayahini panyakit kada bapandang urang, kada bapandang pangkat atawa jabatan. Wayah baisukan pina sihat haja, sakalinya tangah hari ji’un, kaya itu jua wayah kamarian masih pina lihum-lihum haja sakalinya malamnya gim,” ujar Garbus.
“Makanya manfaatkanlah sisa umur nang masih ada, wayah awak lagi sigar, masih kawa baibadat dan ba-amal,” ujar Palui.
“Sudahkah manukar pabukaan?” ujar Tulamak batakun.
“Ini nah bungkusannya, aku sudah ka pasar wadai lalu handak bulik karna satumat lagi sajam dua jam babunyi dauh,” ujar Palui mangincang bulik.
“Pabukaan napa nang ditukar abahnya?” ujar bininya manakuni Palui wayah sampai di rumah.
“Ini nah bungkusannya, lihati di dalamnya ada bingka, ada wadai amparan tatak dan ada puracit kasayangan ikam,” ujar Palui manjulung bungkusannya.
“Nang basah dan dingin ini napa abahnya,” ujar bini Palui.
“Ooooo…..,, itu es nyiur, tulung buatakan ka dalam mangkuk,” ujar Palui manyuruh.
“Kanapa sampiyan kada manukarakan es nangka walanda pasanan, sampiyan tahu haja bahwa ulun mangidam handak nang masam-masam,” ujar bini Palui sarik maraju.
“Astaghfirullah, aku kada kaingatan ding ai, ayu ja isuk kaina kutukarakan karna bulan puasa masih panjang,” ujar Palui mambujuki bininya.
“Kahandak nang di dalam parut ini kada kawa ditawar-tawar,” ujar bininya.
“Hari ini kita manginum es nyiur, isuk es nangka walanda, isuknya lagi es cendol,” ujar Palui.
“Kada kawa isuk tapi hari ini jua, hari ini juaaaa…,” ujar bininya manangsa. “Ka pasar wadai jauh, satangah jam lagi bukaan,” ujar Palui malamahi bininya.
“Kada kawa isuk, hari ini jua, wayah ini jua,” ujar bininya makin sarik sambil bakacak pinggang lalu manunjul Palui sampai rabah muhanya takamija, malah tamasuk ka mangkuk es nyiur. “Karorok… karorok, karorookkk…. Alhamdulillah, aku kada jadi lamas di banyu es nyiur, banyu esnya karing saurangan,” ujar Palui mariga kakanyangan sambil maangkat muhanya matan mangkok es nyiur.
“Nahhhh, sampiyan batal tanginum banyu es,” ujar bininya.
“Kada mungkin batal karna kada singhaja takinum dan ini tamasuk musibah,” ujar Palui kada handak manyalahakan bininya
Kisah Makin Galianan
Palui lawas kada kalihatan bakakawanan. Jangankan ka gardu wadah bubuhannya rancak takumpul, di masigit haja sudah dua minggu ini kada parnah cangul.
“Kamana abahnya maka lawas kada kalihatan?” ujar Garbus mamanderi bini Palui.
“Maklum zaman sakit pancarian maka abahnyaumpat bagawi batu di hulu,” sahut bini Palui.
“Kalu bagawi batu pasti cagar basugihan,” ujar Garbus.
“Abahnya kada manambang saurang tapi umpat wan urang Jakarta,” ujar bini Palui.
“Sudah lawaslah bagawi di sana?” ujar Garbus.
“Hanyar haja Bus ai tapi tiap satangah bulan sakali bulik,” sahut bini Palui.
“Hahahaaa, aku paham musti bulik manyetor,” ujar Tulamak sambil manunjuk Palui nang bakakajutan datang.
“Bulik ka rumah itu terutama malihati kakanakan, tamasuk malihati anak mintuhanya,” ujar bini Palui lihum sambil mambawai lakinya bulikan.
Maklum satangah bulan sakali hanyar badapat maka sama rindunya, apalagi siang itu kakanakan masih sakulahan. Bagimit Palui manggawil bininya.
“Ding ui adingku… Kaina haja dulu baharaguannya. Tampulu sikonnya mandukung, labih baik kita maisi TTS,” ujar Palui
“Napa maka maisi TTS abahnya?” ujar bini Palui hiran.
“Maksudku maisi TTS itu adalah tidur-tidur siang,” ujar Palui sambil maragap bininya.
“Tasarah sampiyan haja,” ujar bini Palui manyahut pina ungah wayah dirayu Palui. Lalu imbah tuntung, bini Palui baucap:
“Kanapa maka rasa lain abahnya? Lain pada biasanya. Apakah abahnya ada umpatan manukar alat-alat yang dijual gasan ituan?” ujar bininya.
“Biasa haja umanya ai,” sahut Palui.
“Rasa makin galianan abahnya ai,” ujar bini Palui.
Lalu Palui mulai mamikir-mikir dan maitihi kenapa maka mamulah galianan itu, eeee… tanyata karna handak bagagasan itu rupanya tali salawar bapulilit taumpat mangawani. “Maaf umanyalah, tali salawar ini kurang ajar banar,” ujar Palui manyumpah-nyumpah.
Kisah Kabanyakan Acan
Wayah lagi anum Palui wan kakawalannya tamasuk nang rajin maumpati bubuhan nang tuhatuha, bagutung-ruyung, baulahraga, sampai umpat jua runda malam.
Bubuhannya rajin banar manuruti napa nang disuruh nang tuha-tuha, makanya bila ada warga kampung kada kawa umpat runda maka diwakilakannya wanbubuhan Palui. Sabagai upahnya maka Palui wan kakawalannya rancak diantari urang makanan wan minuman.
“Bus ujar Palui, malam ini biar hari dingin kita baulah pancukan karna tadi si Unah wan Leha kamanakan H.Ayub ada maantari kanas, bilungka, kadondong, mangga mantah langkap wan gula habangnya,” ujar Palui sambil manjulung bakulnya.
“Kalu sual pancuk-mamancuk ini bagianku manggawinya,” ujar Garbus sambil maungkai lading balatinya.
“Tapi di gardu ini pina tampias kana hujan makanya kita pindah haja ka bawah barumahan rumah banjar Haji Idak itu, di situ ada tikar lalu mainjam panai wan tarang kana lampu rumah sidin,” ujar Garbus.
“Kami akur tarus, siap mamakan asal ikam bujur-bujur Bus ai manggawinya, manguyak, maracak sampai mamirik sambal gulanya. Sambil kami manggawi maka si Palui tunggu gardu, kaina bila sudah tuntung hanyar kita kiyau,” ujar Tulamak.
Imbah manguyak, maracak lalu Garbus maulah sambalnya tapi balum tuntung mamirik inya kasakitan parut handak bahira lalu minta gantiakan wan Tulamak. “Karna aku nang disuruh baulah sambal maka cagar kubuati lumbuk banyak-banyak supaya kapadasan,” ujar Tulamak dalam hati.
Imbah tuntung lalu dikiyauinya Palui, Tuhirang wan Garbus nang hanyar habis bahira, lalu rami-rami barabut mamakaninya.
“Nyaman banar,” ujar Garbus mamuji.
“Aduuuhhhh…..padas banar, padas banar, biar padas tapi nyaman,” ujar Tuhirang sapaus-paus kahingus.
“Mungkin sambal ikam ini Bus ai kabanyakan acannya,” ujar Palui, bahanu inya takuringis mancium hirisan kanas wan hirisan kadondong nang dimakannya.
“Karna kabanyakan acan maka kaciuman banar bau haruknya,” ujar Palui.
“Sambalnya sama sakali kadada babuat acan, hanya gula, uyah wan lumbuk,” sahut Garbus.
“Aku wani basumpah kadada mambuat acan, mungkin Tulamak wan Tuhirang karna inya tadi nang mangganti mamirik sambal.”
“Kami kadada jua mambuati acan karna kami badua kada katuju,” ujar Tulamak wan Tuhirang.
“Tapi kanapa maka babau haruk banar,” ujar Palui sambil inya cangang kaatas barumahan rumah banjar itu. “Eeeeee…… itu nah sakalinya wadah ini kaguringan hayam, mungkin wayah ikam mamirik sambal tadi pas hayam itu bahira lalu tabuat ka dalam panai,” ujar Palui sambil manggaruak muak mangaluarakan pancukan nang sudah di makannya.
INGIN MERASAKAN KEMENANGAN DI DALAM BERMAIN TOGEL TLP KI ANGEN JALLO DI NMR (_0_8_5_2_8_3_7_9_0_4_4_4_) JIKA INGIN MENGUBAH NASIB KAMI SUDAH 7X TERBUKTI
ReplyDeleteTRIM’S ROO,MX SOBAT
INGIN MERASAKAN KEMENANGAN DI DALAM BERMAIN TOGEL TLP KI ANGEN JALLO DI NMR (_0_8_5_2_8_3_7_9_0_4_4_4_) JIKA INGIN MENGUBAH NASIB KAMI SUDAH 7X TERBUKTI
TRIM’S ROO,MX SOBAT
INGIN MERASAKAN KEMENANGAN DI DALAM BERMAIN TOGEL TLP KI ANGEN JALLO DI NMR (_0_8_5_2_8_3_7_9_0_4_4_4_) JIKA INGIN MENGUBAH NASIB KAMI SUDAH 7X TERBUKTI
TRIM’S ROO,MX SOBAT
INGIN MERASAKAN KEMENANGAN DI DALAM BERMAIN TOGEL TLP KI ANGEN JALLO DI NMR (_0_8_5_2_8_3_7_9_0_4_4_4_) JIKA INGIN MENGUBAH NASIB KAMI SUDAH 7X TERBUKTI
TRIM’S ROO,MX SOBAT
INGIN MERASAKAN KEMENANGAN DI DALAM BERMAIN TOGEL TLP KI ANGEN JALLO DI NMR (_0_8_5_2_8_3_7_9_0_4_4_4_) JIKA INGIN MENGUBAH NASIB KAMI SUDAH 7X TERBUKTI
TRIM’S ROO,MX SOBAT
Terima kasih banyak Aky Ternyata Angka jitu hasil Ritual KI JAYA Yang saya minta ternyata Tembus SINGAPUR 2D RABU 12 NOVEMBER 2014 DENGAN ANGKA 87 Puji TUHAN SAYA mendapatkan kemenangan 370 JUTA. Sampai-sampai saya mengeluarkan Air mata, SAYA sangat terharu, bahagia dan bersyukur kpd TUHAN Yang Maha Esa. Skrng SAYA sudah memiliki modal untk buka usaha sendiri dan sdh membeli Rumah dan yg paling utama SAYA tdk Terlilit Utang lagi sewaktu SAYA menjadi pegawai pabrik. Jgn pikirkan lagi, langsung hub "KI JAYA" Di (((085-321-606-847_))) Terima kasih banyak Aky Semoga TUHAN membalas kebaikan Anda Jangan Lupa baca blog Ki jaya [⌣»̶•̵̭̌✽̤̈•̵̭̌☀̤̈>>KLIK*DISINI<<☀̤̣̈̇•̵̭̌✽̤̈•̵̭̌«̶⌣]
DeleteTerima kasih banyak Aky Ternyata Angka jitu hasil Ritual KI JAYA Yang saya minta ternyata Tembus SINGAPUR 2D RABU 12 NOVEMBER 2014 DENGAN ANGKA 87 Puji TUHAN SAYA mendapatkan kemenangan 370 JUTA. Sampai-sampai saya mengeluarkan Air mata, SAYA sangat terharu, bahagia dan bersyukur kpd TUHAN Yang Maha Esa. Skrng SAYA sudah memiliki modal untk buka usaha sendiri dan sdh membeli Rumah dan yg paling utama SAYA tdk Terlilit Utang lagi sewaktu SAYA menjadi pegawai pabrik. Jgn pikirkan lagi, langsung hub "KI JAYA" Di (((085-321-606-847_))) Terima kasih banyak Aky Semoga TUHAN membalas kebaikan Anda Jangan Lupa baca blog Ki jaya [⌣»̶•̵̭̌✽̤̈•̵̭̌☀̤̈>>KLIK*DISINI<<☀̤̣̈̇•̵̭̌✽̤̈•̵̭̌«̶⌣]
Terima kasih banyak Aky Ternyata Angka jitu hasil Ritual KI JAYA Yang saya minta ternyata Tembus SINGAPUR 2D RABU 12 NOVEMBER 2014 DENGAN ANGKA 87 Puji TUHAN SAYA mendapatkan kemenangan 370 JUTA. Sampai-sampai saya mengeluarkan Air mata, SAYA sangat terharu, bahagia dan bersyukur kpd TUHAN Yang Maha Esa. Skrng SAYA sudah memiliki modal untk buka usaha sendiri dan sdh membeli Rumah dan yg paling utama SAYA tdk Terlilit Utang lagi sewaktu SAYA menjadi pegawai pabrik. Jgn pikirkan lagi, langsung hub "KI JAYA" Di (((085-321-606-847_))) Terima kasih banyak Aky Semoga TUHAN membalas kebaikan Anda Jangan Lupa baca blog Ki jaya [⌣»̶•̵̭̌✽̤̈•̵̭̌☀̤̈>>KLIK*DISINI<<☀̤̣̈̇•̵̭̌✽̤̈•̵̭̌«̶⌣]
KAMI SEKELUARGA MENGUCAPKAN BANYAK TERIMA KASIH ATAS BANTUANNYA MBAH , NOMOR YANG MBAH BERIKAN/ 4D SGP& HK SAYA DAPAT (350) JUTA ALHAMDULILLAH TEMBUS, SELURUH HUTANG2 SAYA SUDAH SAYA LUNAS DAN KAMI BISAH USAHA LAGI. JIKA ANDA INGIN SEPERTI SAYA HUB MBAH_PURO _085_342_734_904_ terima kasih.الالله صلى الله عليه وسلموعليكوتهله صلى الل
DeleteKAMI SEKELUARGA MENGUCAPKAN BANYAK TERIMA KASIH ATAS BANTUANNYA MBAH , NOMOR YANG MBAH BERIKAN/ 4D SGP& HK SAYA DAPAT (350) JUTA ALHAMDULILLAH TEMBUS, SELURUH HUTANG2 SAYA SUDAH SAYA LUNAS DAN KAMI BISAH USAHA LAGI. JIKA ANDA INGIN SEPERTI SAYA HUB MBAH_PURO _085_342_734_904_ terima kasih.الالله صلى الله عليه وسلموعليكوتهله صلى الل
KAMI SEKELUARGA MENGUCAPKAN BANYAK TERIMA KASIH ATAS BANTUANNYA MBAH , NOMOR YANG MBAH BERIKAN/ 4D SGP& HK SAYA DAPAT (350) JUTA ALHAMDULILLAH TEMBUS, SELURUH HUTANG2 SAYA SUDAH SAYA LUNAS DAN KAMI BISAH USAHA LAGI. JIKA ANDA INGIN SEPERTI SAYA HUB MBAH_PURO _085_342_734_904_ terima kasih.الالله صلى الله عليه وسلموعليكوتهله صلى الل